قصيدة بعنوان محد يستاهل

زائر

. اعاني من زماني واتسلى في معاناته
ولكنه ليا منه تحداني تراضيته
اروح بعيد لاشفته تمادى في تفاهاته
ولن جاني يناديني تجاهلته وعديته
ولاتفرق معي لو كان كثر في مناداته
غريب الطبع اناوالله لولايه تناسيته
يبادرني بضحكاته ويرسل لي تحياته
يحييني بما يفعل وانا مايوم حييته
يحاصرني بضيقاتي وتتعبني مسافاته
ياشين اللي يكدرني ليا مني تهنيته
ليا شفته يجازيني بسياتي وحسناته
نهيت القلب لايحزن وعذبته وسليته
ولن شفته بدأ يرسل عليه من شقاواته
ذكرت الله وقلت الله يناجيني وخليته
وانا اللي كنت احسبنه يمتعني بلذاته
كثير إني تخيلته كثير إني تمنيته
يبادلني قناعتي واناهمي قناعاته
كأني للغز فالدنيا وفكرني وحليته
اسير الوقت في ذاتي ونا معدوم في ذاته
ياليته ماسكن ذاتي واثار الدمع ياليته
يموت الوقت في عيني وتطوى كل صفحاته
اذا قفيت يالدنيا واعز الناس بكيته

» قصيدة غير منتهية في تعريف العشق
» قصيدة ( أتذكرينْ ) .
» قصيدة (غربة قلب)
» قصيدة أطلق سراحي
» قصيدة اراك عصبي والدمع