المبدع عبد الحسين الحلفي

اذا احجي وي غيرك قصدي وياك
واذا حبيت غيرك انت اعنيك
مااذكرك بس جذب انساك
اذا اذكرك يعني اني ناسيك
عقلي ماعرف هذا ولاذاك
ولااني عرفني اشعرفه بيك
ماافتهم كلشي بغيرطرواك
امسودن وافتهم كلشي من الاكيك
اكتبت راح اكرهك واتوقع انساك
حدرها وقعت صرت اني مجنون
ردت امسحه زادت ترست الكون
اذن اهواك الكون يدوربيه
ولابيه مجال انساك هيهات
اذاني اريد اكولك كافي جيه
لساني يكول لاتكطع الجيات
زين لساني شوف اجفوف ايدي
علمودك يسرتي لوت يمناي
ينسل من احضنك هاي هي
اردن هاي كوه تروحلك هاي
ضجت منك وكلبي اسوه بيه
كطع نبضه وزعل وتعارك وياي

شعر حلو عاشت الايادي يامبدعه