موكلمة أحــــــــبك تخلص وياك

موكلمة أحــــــــبك تخلص وياك
ولاحجي المســـامر ينتهي أبفتره
أنت أكــبر محبتك والله من هـــاي
يالحبك عجـــــــــيب وصار عالفطره
من أول ماعرفتك كمت أفكر بيـــك
خذت روحي ويعقــلي اوتيهت فكره
راح أشلون أوصفك هسه محتـــــار
اوصعب حــته الجمال البيك منقدره
أنجنيت أبغرامك حيـــــــل فدنــوب
أشما سوّه المســـودن لازم أتعذره
أغار عليك حته أمن الهوى المــــار
وأذا مطـرت عليك أكطـعها للمطره
تدري أشـــكد احبك جا خفت حيل
مثل نخل السمـاوه الطـرته السمره
وأذا حبك ذنب أتحــــــــملّ أذنوب
لان ربك يكول الذنب مـــــــو كفره

شعر حلوووووووووو عاشت الايادي