العنده افلوس ايريدونه

زائر

نَص وجداني!

من هالعالم شاب الراس
ما عِدهُم ذرة أحساس
العنده افلوس ايريدونه---والماعنده ايطردونه
لا خير إبهذا المقياس
ما عِدهُم ذرة أحساس

-----

إيصح واحد ما عنده اتشوفه
تِجدَح من اعيونه الغيره
ويصح واحد يملك ثروه
بس ايبيع اُمه إعله الليره
دنيا اتراويك الاشكال---تلكَه الطيب والأنذال
وهَم محسوبين إعله الناس
ماعدهم ذرة أحساس

------

ليش اتلوم الدنيا وتدري
هاي المأسات إمن ابنادم
همه الخلو دَمعك يجري
عوف الدنيا ولوم الظالم
وكل يوم العن بالظلام---المتهزهم دمعة ايتام
فقدوا كل نخوة ونوماس
ما عدهم ذرة أحساس

-----

من هالعالم شاب الراس
ما عدهم ذرة احساس
العنده افلوس ايريدونه ---والماعنده ايطردونه
لا خير ابهذا المقياس
ما عدهم ذرة احساس

زائر

يسلمووووووووووووووووووووووو سيوفي موضوع رائع

زائر

يسلموووووو شعر روعه